袁偉豪用鬍鬚撩山聰囝囝 張寶兒望到實

陳山聰同老婆Apple於2019年拉埋天窗，婚後生咗個可愛囝囝陳霆軒（Jaco）。Jaco話咁快一歲半，因為個樣又得意又靚仔仲會經常做出古靈精怪動作，𠱁到啲星級Auntie Uncle們不知幾開心！

陳山聰不時會分享一家三口溫馨家庭照。

今日袁偉豪帶埋老婆張寶兒去咗好朋友陳山聰屋企，兩公婆嚟到梗係唔會放過同Jaco仔玩嘅機會。袁偉豪在IG分享跟Jaco玩嘅影片，並寫上：「我諗jaco仔既(嘅)反應點樣都好過對auntie胡定欣掛(啩)！」袁偉豪然後再標記#大個仔#先留so#好比面！

 

片中，袁偉豪問Jaco仔，「你有冇鬚根呀！」又摸住自己啲鬚，Jaco又點會識答吖，一味眼仔碌碌望住袁偉豪，然後摸摸自己嘅下巴仔，現場傳出女士笑聲。張寶兒全程得個望字冇份玩，自己生返個咪有排玩囉。

Jaco眼神一臉迷茫勁得意。

 

胡定欣隨即IG回應：「你講咩？」。

張寶兒望實老公同Jaco仔玩，自己生返個啦。 ​

隔個螢幕都睇得出，袁偉豪同張寶兒好冧小朋友，希望佢哋都可以快啲生返個，第日個仔得閒又可以同Jaco大家一齊玩！