黎姿約張栢芝過聖誕 網民大讚兩位三孩之母唔識老

2021-12-30 09:30
兩大凍齡女神開心過聖誕 。
兩大凍齡女神開心過聖誕 。

有凍齡女神之稱的50歲黎姿(現名馬黎珈而)和41歲的張栢芝,曾經多次一齊出席公開場合,兩人私底下其實都幾老友,不時會互相交流美容心得。栢芝受訪時曾多次被問到「你覺得邊個靚女?」,栢芝均快速回應:「黎姿。(現藝名:馬黎珈而」在這個世上,我只承認黎姿比我美。」栢芝在上年5月亮相內地真人騷《讓生活好看2》時就再三表示眼中的美女是黎姿,覺得她很女神。

 

 

兩大女神趁聖誕節相聚,黎姿在社交網貼出短片,片中只見同是3孩之母的她們有講有笑,又齊齊做出心心手勢,相當盡興,她們又站在聖誕樹前影合照,雖然未有透露談話內容,但片中聽到兩大美人哈哈大笑的聲音,已經感受到二人相聚的快樂時光,黎姿在ig 開心寫道:「跟 cecilia_pakchi_cheung  聊天是一件很享受很開心的事。除了因為我們實在有太多共同話題之外,她的爽朗總能帶給身邊朋友正能量。每次會面時間都過得特别快,希望很快又可以再聚」。網民都紛紛以心心眼留言表示:「開心見到兩大女神合體」,又大讚兩人唔識老,相信網民最希望見到栢芝帶埋Lucas、Quintus同細仔同馬家三千金一齊玩,阿媽靚仔女又靚,畫面都一定好靚。

 

 

張栢芝同馬黎珈而一見面就笑到見牙唔見眼。  ​
張栢芝同馬黎珈而一見面就笑到見牙唔見眼。 ​

 

栢芝不忘搞笑本色,影相都帶返副盞鬼聖誕眼鏡。  ​
栢芝不忘搞笑本色,影相都帶返副盞鬼聖誕眼鏡。 ​

 

兩大凍齡女神齊齊出心心手勢,冧爆粉絲!  ​
兩大凍齡女神齊齊出心心手勢,冧爆粉絲! ​

 

關鍵字

最新回應

關鍵字

相關新聞

熱門文章