林芊妤為囝囝落場賽車嗌加油 自嘲阿媽樣出晒嚟
2021-12-18 15:45 
林芊妤（Coffee）應邀帶同兒子翟德彥（伯伯）在活動中玩兒童汽車，老公翟志榮也到場一起照顧伯伯享受親子樂。搞笑是伯伯落場賽車時，Coffee完全忘我的激動高呼加油、醒起現場有媒體才收斂起來，尷尬自嘲：「阿媽樣出晒來添！」又笑問勝出冠軍的伯伯：「第一名開唔開心呀？正常嘅，因為係一人賽事。」
伯伯就很堅強的跌倒也沒有哭，更不停的崩崩跳、表情多多、又跟媽咪親嘴錫錫，母子二人都相當sweet。即將於明年1月考車牌的Coffee又分享兒子趣事，指在活動中公開問伯伯敢不敢坐媽咪揸的車，伯伯畀面的說敢，但其實之前問過伯伯的回答是：「唔好，唔想媽咪死。」說到Coffee一定冧到爆，豈料她說：「擺明係老公響個仔面前講過嘢，因為問佢敢唔敢坐爸爸車就話敢，覺得爸爸好靠譜！」
最新回應