89歲胡楓神情呆滯拍夜戲等埋位網民睇見都嗌好心痛

2021-11-14 22:30

胡楓（修哥）明年1月就90歲喇！兒孫滿堂嘅修哥堅持唔會退休，除了今年6月喺紅館開完一場《胡楓約你開心派對2021》演唱會外，日前仲同邵音音、唐韋琪、魯振順、漢洋等演出孫敬安主辦嘅慈善音樂會。雖然修哥老當益壯，但老人家始終體力有限，半夜開工難免疲倦。

近日修哥跟楊卓娜拍TVB新劇《童時愛上你》，楊卓娜不時於社交網Post出拍攝花絮片，日前她Post了一段和修哥、吳家樂、高海寧、袁文傑等準備拍一場食飯夜戲片。楊卓娜留言表示：「半夜12:00拍食飯，宵夜都慳返。」片中楊卓娜將鏡頭影住桌上嘅餸話：「今日係我哋尾二嗰一餐，今日飯餸好犀利喎！有雞、有魚、有蝦、有肉餅、有湯等...」當鏡頭一轉去到修哥時，修哥看來一臉疲憊垂下頭來，神情帶點呆滯。不少網民都心痛老人家，留言：「89歲還要半夜拍劇太辛苦了吧」、「都累得沒表情喇」...也有網民大讚修哥夠晒敬業。

平時修哥體力充沛時相當精靈，之前喺鏡頭外還跟楊卓娜合唱《相思河畔》，見修哥臉上掛滿笑容，而且記得晒每句歌詞，好有記性，絕對寶刀未老。