吳保錡扮「水撥式」舞姿 竟被網民狂踩:陶大宇跳得好啲

2021-12-01 22:45
吳保錡扮陶大宇「水撥式」舞姿。
吳保錡扮陶大宇「水撥式」舞姿。

58歲嘅「師奶殺手」陶大宇之前喺內地商演,「魔音版」翻唱劉德華《倒轉地球》加埋「水撥式」舞姿成為洗腦歌,有關登台片段火速喺網上瘋傳,被網民取笑為「爆笑神曲」及「樂壇欠他一個交代」,亦意外地令陶大宇人氣急升。而ERROR成員吳保錡乘機抽水,日前喺IG惡搞大宇唱腔及台風,無論表情和語氣都勁神似,吸引咗陳家樂、張紋嘉及一眾網民等留言。

見大家咁好反應,保錡意猶未盡,今日再添食,追加多一條跳舞片,打後還放多條陶大宇跳舞片嚟做對比。仲搞笑地寫上:「最近大愛的一隻舞,練習練了一段時間,決定分享給大家,學海無涯」,呢條片依然受到網民關注,除咗話好笑,大讚好神似外,有啲笑佢「就嚟變吳大宇」;亦有啲唔企保錡嗰邊踩他話「陶大宇跳得好啲」、「真係好煩」、「唔夠柔軟呀你,再嚟過」、「陶老師做得好過你呀」、「可唔可以唔好咁愛陶大宇呀你」。

吳保錡扮陶大宇「水撥式」舞姿。
吳保錡扮陶大宇「水撥式」舞姿。
保錡惡搞大宇唱腔及台風扮上癮,今晚再追加一條片。
保錡惡搞大宇唱腔及台風扮上癮,今晚再追加一條片。

片後還放多條陶大宇跳舞片嚟做對比。
片後還放多條陶大宇跳舞片嚟做對比。
網民都好關注留言。
網民都好關注留言。

日前保錡已拍片模仿陶大宇「魔音版」《倒轉地球》。
日前保錡已拍片模仿陶大宇「魔音版」《倒轉地球》。
關鍵字

最新回應

關鍵字

相關新聞

熱門文章