梅艷芳丨王丹妮跟偶像肥仔結伴睇戲嗌緊張 上映7日2千萬票房

電影《梅艷芳》紀錄梅艷芳部份精彩的人生，勾起不少歌迷對她及香港的回憶，上映短短7日，票房已衝破2,000萬，同時亦贏盡觀眾口碑。組合ERROR的何啟華（阿Dee）、吳保錡及梁業（肥仔），以及MIRROR的邱傲然（Tiger）及陳瑞輝（Frankie），還有P1X3L的葉振弘（Marco）、歐鎮灝（George）及吳啟洋（Phoebus），日前便與李敏（Ranya）到戲院欣賞此電影，並與女主角王丹妮見面。

王丹妮（Louise）指肥仔是她的偶像，見面前她心情緊張，趕緊去見肥仔還行錯路，之後影相時Louise主動與肥仔握手，肥仔看完王丹妮的演出後，即給對方「心心」以作鼓勵。有份演出戲中大排檔伙記的阿Dee說：「梅艷芳呢三個字唔單止係偶像、明星，我覺得係香港歷史一部份，尤其是我哋藝人睇到非常有共鳴，就算係普通一個香港人，回顧梅艷芳經歷嘅一生，喺呢時段都會搵到一啲共鳴，係激動人心。」保錡則對阿Dee說：「Dee哥出場部份我哋特別感動，我認為演員候選提名一定有你份，你扮嘅聲音同演技都好有復古嘅味道。」

而Tiger和Frankie同樣深深被電影感動，Frankie指梅姐啟發了他：「睇完後了解到當時要成為偶像係非常困難，要好有信念先做到，真係好佩服梅姐。」Tiger則對梅姐在告別演唱會上行上樓梯離開的一幕感到非常難忘。