李佳芯生日怕無人約開工度過 等真愛出現呼籲男士放膽追求

2021-11-25 17:00
李佳芯稱希望找到願意一齊行落去及一起成長的另一半。
李佳芯稱希望找到願意一齊行落去及一起成長的另一半。

李佳芯(Ali)今日出席聖誕主題活動,她指現時正拍攝TVB新劇《有種好男人》,預計拍至明年2月。後日生日的Ali透露當日要開工,她表示本來想度期慶祝,但又怕若申請放假後無人陪伴會很傷心。問到「蟲草大王」陳恩德(Mark)有否邀約她慶祝?Ali說沒有,上次大家見面只是傾慈善計劃,私下甚少聯絡或見面,稍後活動上會否同場則不知道。

李佳芯稱希望找到願意一齊行落去及一起成長的另一半。
李佳芯稱希望找到願意一齊行落去及一起成長的另一半。
今日一身紅裙出席聖誕主題活動。
今日一身紅裙出席聖誕主題活動。


由於新劇剛開拍,Ali未知聖誕節能否放假,或屆時即興相約親友慶祝。單身的她今年過聖誕可有男士約會?Ali說:「我諗唔敢約我喇。緋聞唔係嚇親人,係嚇驚我自己,如果又被人影到又話有啲乜嘢。」Ali自言不會經常外出參與派對,坦言不會覺悶。有否擔心緋聞嚇怕追求者?她直言:「真愛係唔會逃避,唔會驚,受得住,但呢行難識朋友,即使出去傾工作被影到又會有好多版本,所以學識可能叫助手一齊去,盡量避免同車。但有時本身係朋友,冇理由都叫埋經理人出嚟,好難拿揑,惟有正常去公眾場所,唔去私人地方,避免嫌疑。」會否叫真愛放膽追求?Ali贊同說男仔是要主動,自己未試過採取主動。

未知聖誕有冇假放。
未知聖誕有冇假放。
李佳芯後日39歲生日。
李佳芯後日39歲生日。


會否希望明年有另一半共度聖誕?Ali笑說:「要等到下年咁耐?唔係有冇,係中唔中,我寧願係一個中嘅,唔介意等,等下先啦。」她稱沒特定擇偶條件,雙方有吸引力,願意一齊行落去和改變自己一起成長已足夠。現時有否追求者?她說不知,或許有人鍾意,又可能對方不敢採取行動追求。

贊同男仔應該要主動。
贊同男仔應該要主動。
李佳芯會耐心等真愛出現。
李佳芯會耐心等真愛出現。
李佳芯因與「蟲草大王」Mark見面,傳出緋聞。
李佳芯因與「蟲草大王」Mark見面,傳出緋聞。
關鍵字

最新回應

關鍵字

相關新聞

熱門文章