王梓軒自爆童年頑皮事 激嬲老師被罰坐凳腳

王梓軒主持的《演鬥聽》成功贏得口碑，獲香港兒童基金會賞識，受邀開辦音樂創作課程，啟發中、小學生的音樂創作潛能。早前他與演鬥band成員鄭嘉嘉和張可永（Byron）來到番禺會所華仁小學，向多位教育界要員及30位校長示範即興創作，更以環保作主題，用現場人士提供的「減炭」及「再重用」作素材，只花5分鐘就即興創作出一首兩分鐘的作品，不過外國長大的Byron，因記中文詞搞到甩嘴。王梓軒表示：「今次我哋三個帶咗一個小小示範，因為《演鬥聽》入面即興好重要，一個即興創作會係點㗎呢？最精采就係會甩轆，哈哈！」

王梓軒講到教育學生，分享自己兒時的頑皮事：「我小學時問啲問題好複雜，問到啲老師會嬲嬲地，覺得我煩，答唔到就攞張鐵凳反轉咗，我成堂淨係坐住張凳腳，佢係要不停懲罰我先會收聲，所以希望你哋唔好遇着呢啲。」