陳柏宇自覺唱歌渣曾迷惘

　　(星島日報報道)陳柏宇（Jason）將於下月舉行演唱會，早前Jason找來香港滑板運動員陸俊彥分享其奮鬥故事。

　　二人一同踩板，雙方都有挑戰動作失敗的時候，期間Jason也分享了自己在歌唱事業上如何迷失，及如何堅持，他說：「細個時唔知自己邊樣可以發展成事業，我由細到大都唔知點去堅持一啲嘢。而家做咗歌手，知自己唱得唔好，大家唔識睇嘅嘢我都識睇，知自己能力去到邊，冇人畀我更加覺得我渣。因為真係渣，所以先去學唱歌，但亦想收埋唔畀人知自己走咗去學唱歌，因為又驚變咗賣弄。」

　　內斂的Jason更表示：「以前攞獎，有時人哋會覺得我好串，想讚你，你都唔接受，但原因係我覺得我冇做過一樣嘢係值得你去讚，所有嘢都係營造出嚟。」