獨家丨ANSONBEAN自爆食太多甜品會發脾氣 《與星有個約會》同「豆粉」整蛋糕

2021-11-22 00:45
《頭條娛樂》fb專頁《與星有個約會》ANSONBEAN約「豆粉」整餅。
《頭條娛樂》fb專頁《與星有個約會》ANSONBEAN約「豆粉」整餅。

《頭條娛樂》fb專頁《與星有個約會》森美教花劍大受歡迎,第二炮交由紮紮跳,今日21歲生日的ANSONBEAN(陳毅燊AB)接棒,他跟4位「豆粉」(ANSONBEAN Fans暱稱)合作整咗人生第一個蛋糕,完成咗佢其中一個心願。「豆粉」有機會同偶像整餅當然超開心!期間,他自爆小秘密,原來呢粒「豆」食太多甜品會特別容易發脾氣,所以Fans送禮畀佢識點揀啦!採訪:方騫平 攝影:譚壹致、葉君海、沈健程 場地:Hotel ICON唯港薈酒店 髮型:Alex So @ The Attic 化妝:Jenny Shih 服裝:Levi’s 飾物:Chanel 特別鳴謝:行政總廚Danny Ho@Hotel ICON

《頭條娛樂》fb專頁《與星有個約會》ANSONBEAN約「豆粉」整餅。
《頭條娛樂》fb專頁《與星有個約會》ANSONBEAN約「豆粉」整餅。
好鬼活躍

無時停嘅ANSONBEAN將個食材兜變頭盔。
好鬼活躍 無時停嘅ANSONBEAN將個食材兜變頭盔。

出身於舞蹈世家的ANSONBEAN在《造星III》奪得第3名而入行,更成為古天樂及Angelababy(楊穎)新公司Cool Style旗下首名藝人,今年7月正式成為寰亞唱片新人,分別推出處男作《CRUSH (oh no!)》及冧女情歌《you made my day》。《you made my day》MV以「女友視角」出發,有除背心大騷健碩身形,亦會亂七八糟咁搓粉糰整蛋糕,之後亦於直播環節答應同「豆粉」一齊整餅。

無時停玩蛋糕刀
ANSONBEAN透過《與星有個約會》「找數」,與幸運「豆粉」Jenny、Nataile、Lily及Agnes一齊做日本桃蛋糕。當日活動分成兩組比賽,「豆粉」清唱《you made my day》,由AB做評判揀出唱得最好嘅Agnes成為「女主角」,跟他孖住做蛋糕。而賽前眾人先聽取導師Danny講解材料及步驟。正當個個都好認真時,無時停嘅AB將個食材兜變頭盔,又將把蛋糕刀舞嚟舞去,連「豆粉」都忍唔住質疑:「其實你記唔記得個步驟㗎?」AB即望住小助手Agnes,停咗半秒笑住答:「我…呀…將個蛋糕擺上去嘛(蛋糕托盤)!」

古怪表情

ANSONBEAN突然對唧忌廉好有興趣,做咗個古怪表情。
古怪表情 ANSONBEAN突然對唧忌廉好有興趣,做咗個古怪表情。
舞刀指揮

ANSONBEAN舞動蛋糕刀,宣佈比賽正式開始。
舞刀指揮 ANSONBEAN舞動蛋糕刀,宣佈比賽正式開始。

處男蛋糕餵婆婆
整餅過程中AB和「豆粉」都好多嘢傾,仲自爆咗好多秘聞添:「以前只係整過啫喱,又試過將啲湯丸放落滾水,我都鍾意食甜品,但只可以間中食一兩啖,唔可以食到發脾氣嗰個位,因為食得太多會飽飽滯滯,個頭好暈。」追問拍拖經驗時,他又滔滔不絕:「中學時初戀拍咗拖10個月,因為相隔兩地分開,(佢個樣係點?)咪一般中學生樣,鄰家女孩,(想唔想同將來女朋友整吓蛋糕?)都好呀!或者自創薯片蛋糕。」AB唔介意女友愛食甜嘢,最好食埋佢嗰份。佢又突然好想食梁祖堯整嘅嘢,「聽聞佢有個甜品整得好好味。」由於AB顧住吹水,時間關係要趕住埋尾,仲唔小心整爛砌花襯飾,但為咗突圍,他忽發奇想加咗花瓣喺蛋糕側面,雖然變咗縮水版藝術蛋糕,同導師嘅製成品有距離,但他仍滿心歡喜將第一次製成品帶返屋企畀婆婆。

加深了解

期間ANSONBEAN邊吹水邊整餅,加深同「豆粉」了解。
加深了解 期間ANSONBEAN邊吹水邊整餅,加深同「豆粉」了解。
挑戰難度
將蛋糕搬離托盤係最危險時刻,小助手Agnes急急幫手。
挑戰難度 將蛋糕搬離托盤係最危險時刻,小助手Agnes急急幫手。
好有創意

導師Danny大讚蛋糕新手ANSONBEAN算係快上手,而且設計又具創意,畀佢88分!
好有創意 導師Danny大讚蛋糕新手ANSONBEAN算係快上手,而且設計又具創意,畀佢88分!
心情興奮

ANSONBEAN跟(右起)Jenny、Lily、Nataile、Agnes齊做日本桃蛋糕,「豆粉」既緊張又興奮。
心情興奮 ANSONBEAN跟(右起)Jenny、Lily、Nataile、Agnes齊做日本桃蛋糕,「豆粉」既緊張又興奮。
處男蛋糕

ANSONBEAN滿心歡喜,展示人生第一個自己整嘅蛋糕。
處男蛋糕 ANSONBEAN滿心歡喜,展示人生第一個自己整嘅蛋糕。
騷肌誘人

《you made my day》MV騷肌鏡頭冧爆「豆粉」。
騷肌誘人 《you made my day》MV騷肌鏡頭冧爆「豆粉」。
好有人緣

陽光男孩ANSONBEAN參加《全民造星III》時經已得到隊友、花姐及導師彭秀慧愛錫。
好有人緣 陽光男孩ANSONBEAN參加《全民造星III》時經已得到隊友、花姐及導師彭秀慧愛錫。
家人支持

ANSONBEAN出席寰亞唱片發布及MV首播會,父母及弟弟都有嚟支持。
家人支持 ANSONBEAN出席寰亞唱片發布及MV首播會,父母及弟弟都有嚟支持。
關鍵字

最新回應

關鍵字

相關新聞

熱門文章