拳王｜黎耀祥為44秒回憶戲瘋狂操肌 囝囝操刀為父留下最弗一刻

TVB台慶劇《拳王》將於周二（23日）接檔《星空下的仁醫》播出，監製陳耀全（Andy）笑指這劇其中一個目標，就是將三屆視帝黎耀祥打造成「擂台版梟雄」！祥仔接拍這劇時已年屆56歲，其飾演角色石傲山亦早已是退隱拳壇的成功商人，照理沒必要像張振朗及朱敏瀚等操得如此辛苦。但為了一場44秒的回憶戲，祥仔專誠進行地獄式減肥及操肌，並在短短兩個多月內減掉20磅，體脂率也跌至人生最低。

今早《拳王》官方社交網發布了一條宣傳片，祥仔笑指幸好當初操肌沒有半途而廢，否則便遭監製「賣豬仔」：「我試妝時好肥，咁我就開始節食同做運動，去到試造型時已減咗幾磅；點知之後就一直落唔到磅，我就同監製講：『我未必修得咁好，可唔可以唔使除衫？』Andy當時話：『放心！回憶戲可以拍大頭。』雖然監製咁講我係定咗，但我覺得都係唔可以放棄，因為同組其他演員都好努力！好彩我堅持咋，Andy到最後係成個身都拍晒嘅！」

祥仔在片段中，還分享了他的健身餐單，就是雞胸、雞蛋、番薯為主食，偶爾加些番茄和蔬菜；至於運動及操拳方面，祥仔除了每星期兩次依照劇組安排進行拳擊訓練外，更專程請來教練作定期專業指導，另每晚亦會自行在家鍛鍊，靠驚人意志力令56歲的他仍能在短時間內鍛鍊出鋼條身形。

另觀乎劇組發布的最新劇照，勁力十足的祥仔胸膛結實，腹部的朱古力肌亦頗為明顯，再配以「打到飛起」的姿勢，單看相片已能感受拳賽的可觀及刺激性。令人意外的是，該批劇照原來全部出自祥仔兒子黎正橋之手，祥仔指囝囝13歲開始已愛上攝影，雖然相當認真鑽研，但卻沒想過以此當職業：「因為佢想享受當中嘅樂趣。有時我開工佢會去影，因為佢鍾意有故事性嘅相，佢呢方面都幾有自己諗法。佢以前陪我開工嘅時候，都會同工作人員研究打燈嘅問題。」

祥仔又指雖然操肌過程辛苦，但由於劇中所有男演員萬眾一心，大家又會無私分享操肌秘訣和心得，故此雖然辛苦但仍很開心。祥仔又笑言很開心今次能與心目中的黃金組合Andy及編審冼翠貞合作，並謂《拳王》最吸引他的地方，是「尋找自我」的主題：「好少劇集有個主題去貫穿成套劇，每個角色又有推進同過程，喺過程入面觀眾可以感受每個角色嘅成長。」
Andy則直指祥仔是次角色除了體能及體型上有突破外，祥仔在演繹上亦展現了一定功力：「點解話係擂台版嘅梟雄，因為大家睇開頭，會覺得祥仔個演法好小人物，但去到講番十年後嘅戲，祥仔就會變成另一個人，好有嗰種充滿野心嘅成功人士特質，佢好演得出嗰種分別。祥仔同我講，話好鍾意我哋幫佢安排件皮褸，佢一著親就入戲架喇，所以你哋細心留意嘅話，祥仔劇入面其實冇乜戲服。」