湯怡見囡囡日漸長大爆喊 似足爸爸好奇大膽夠精靈

湯怡和七仙羽（七師傅）今日出席美容活動，湯怡透露5個月大的囡囡「MakQQ」以前會睡足10個鐘，但近日在早上7點便睡醒，令她懷疑可能打完疫苗有所影響，胃口亦不及以前好，更因不夠集中而要分三餐吃，湯怡說：「囡囡依家聽到少少聲就會周圍望，係好事嘅，夠晒好奇遺傳老公。我細個一嚿飯咁，唔講嘢又乜都驚，反而囡囡好大膽又好奇，寧願似老公，我細個太過文靜，媽咪以為我有自閉症。」

另外，湯怡大爆日前囡囡跟老公玩時笑得很開心，感覺她已開始長大，令她感動落淚。可會追生B，湯怡笑言有計劃，但因聽聞生第二胎後容易身材走樣，故有待操練身形線條先，起碼一、兩年後才再生B。提到早前於IG限時動態發起「你問我答」時，有網民睇死湯怡與老公麥秋成會離婚，她說：「唔會嬲，都係一笑置之，都唔係第一次有呢啲留言，出面嘅人唔知我同老公之間感情。」