吳若希做Working Mum學會取捨 願犧牲工作陪子女成長

2021-11-15 10:30
吳若希現身節目接受許文軒訪問。
吳若希現身節目接受許文軒訪問。

吳若希(Jinny)日前作客TVB娛樂新聞台節目《StarTalk》,接受主播許文軒(Edmond)專訪,談到要兼顧家庭和事業,Jinny覺得做Working Mum是一件好叻的事:「好彩屋企都有好好嘅幫手,都想投放多啲時間畀屋企同小朋友,負荷太重我真係做唔到,而家我做嘅嘢會影響到另外一個人嘅未來,係好嚴重,所以要取捨,可能會犧牲自己嘅時間同工作,總之我希望做嘅嘢,可以令到另一半同小朋友開心啲。」

吳若希現身節目接受許文軒訪問。
吳若希現身節目接受許文軒訪問。
吳若希要兼顧家庭和事業,她坦言好彩屋企有好好的幫手,係咪指老公?
吳若希要兼顧家庭和事業,她坦言好彩屋企有好好的幫手,係咪指老公?


最近推出的新歌《火和火柴》的Jinny,自言滿足感好大:「今次參與到好高,由搵Eric Kwok寫歌做監製,到歌曲概念同MV都放咗好多心機,由頭到尾都係自己嘅心血,所以滿足感好大,好珍惜呢首歌。」她指以前甚少參與創作歌曲或畀意見,但現在心態已改變,唱歌不再為點擊率,亦不是爭取成績,因此多了自己的想法,希望獲得口碑多過成績。

首次參與歌曲和音,Jinny坦言感到緊張:「我本身唔識唱和音,當時仲開緊劇,完全冇時間練習,Eric叫我放心,佢話冇問題,一定錄到,佢仲話佢冇錄過一個人唔識唱和音。當我聽到佢咁講,嘩!寸到咁!我鍾意,結果我真係錄到,好有成功感!」

吳若希近日推出新歌《火和火柴》,自言參與度較以往高,滿足感好大。
吳若希近日推出新歌《火和火柴》,自言參與度較以往高,滿足感好大。

關鍵字

最新回應

關鍵字

相關新聞

熱門文章