余香凝離家十多個鐘拍廣告 帶囡囡合照做道具解相思之苦

余香凝（Jennifer）今年5月誕下囡囡後，已立即密密做運動修身，現時身材已回復最佳狀態，她亦有重回工作崗位，好像早前便接拍補鈣食品廣告。拍攝當日Jennifer換上多個不同造型上陣，除了有瑜珈及運動look外，更化身家庭主婦下廚，她笑言：「真係做番自己。」Jennifer笑言今次拍攝這個廣告「Timing」十分好，她解釋︰「做媽媽真係好攰，唔夠瞓之餘，本身鈣質、骨膠原都會流失或者畀BB吸收咗，而且BB愈嚟愈重，湊佢骨頭好易整親又好易攰，自己條腰都易痛，所以呢個廣告接得好合時，拍得好合時。」

今次廣告拍攝長達十多小時，Jennifer要離開囡囡一整天，故她索性出動與女兒的私伙合照作道具放在現場，以解相思之苦，而當Jennifer不用埋位及轉造型時，便第一時間拿手機觀看家中閉路鏡頭偷看囡囡。對此，Jennifer表示︰「家庭小朋友係放第一位，所以唯有自己辛苦啲，等佢瞓時即刻去做嘢，或者真係等佢夜晚瞓時再專心睇劇本，到出街要做嘢，我當然好掛住佢啦，雖然今次廣告拍攝只係10幾個鐘，我已經不停不停睇cam
，好彩有工人姐姐同長輩幫手，都放心嘅。」