汤怡见囡囡日渐长大爆喊 似足爸爸好奇大胆够精灵

汤怡和七仙羽（七师傅）今日出席美容活动，汤怡透露5个月大的囡囡「MakQQ」以前会睡足10个钟，但近日在早上7点便睡醒，令她怀疑可能打完疫苗有所影响，胃口亦不及以前好，更因不够集中而要分三餐吃，汤怡说：「囡囡依家听到少少声就会周围望，系好事嘅，够晒好奇遗传老公。我细个一嚿饭咁，唔讲嘢又乜都惊，反而囡囡好大胆又好奇，宁愿似老公，我细个太过文静，妈咪以为我有自闭症。」

另外，汤怡大爆日前囡囡跟老公玩时笑得很开心，感觉她已开始长大，令她感动落泪。可会追生B，汤怡笑言有计划，但因听闻生第二胎后容易身材走样，故有待操练身形线条先，起码一、两年后才再生B。提到早前于IG限时动态发起「你问我答」时，有网民睇死汤怡与老公麦秋成会离婚，她说：「唔会嬲，都系一笑置之，都唔系第一次有呢啲留言，出面嘅人唔知我同老公之间感情。」