七仙羽曾覺做娛樂圈不務正業 現認為可帶歡樂給人兼結善緣

七仙羽（七師傅）和湯怡今日出席美容活動，其中七師傅表示昨日（14日）為ViuTV新節目《七福星》拍MV及錄歌，因此只睡了3個鐘，而節目將於農曆年播映，七師傅謂：「呢首歌仲有小肥、J.Arie（雷深如）、男團P1X3L同我一齊唱。」出歌是否要進軍樂壇？七師傅笑說：「我無諗住發展娛樂事業，感覺不務正業，我正業係師傅，依家無端端走去唱歌、跳舞，覺得會偏離軌道。但後來諗並唔係不務正業，以前喺深山修練，依家喺紅塵中修練，跟人結善緣帶歡樂畀人。而節目《七褔星》都係搞笑，帶歡樂畀人開開心心。」

談到可有為同場的湯怡加持，她表示經已加持，因站在她身邊會自動獲得加持，更讚對方五官沒有缺點，是一名靚女，七師傅謂：「唯一我見佢眼神有少少憂鬱，有啲嘢想宣洩，但宣洩唔到出嚟，隨時會喊出嚟。」