七師傅爆做「餌」引娟姐任嘉賓 伍仲衡被指暗戀女方
2021-10-18 13:00 
一連兩場《伍仲衡再搞花臣音樂會》昨晚（17日）完結，依舊有CY（陳澤言）、石詠莉、黃淑蔓、Judas（羅凱鈴）以懷舊快歌揭開序幕，再有王菀之、EO2、鍾柔美、布志綸、夏韶聲等獻唱。前晚（16日）J.Arie（雷深如）在台上跌倒，昨晚鄭融也險墮舞台機關，幸得台上強尼伸手拉着。
七仙羽和練美娟任嘉賓在尾段上台對談，七師傅隨即為演唱會加持，宣揚她的金句「師傅愛大家」，又批評伍仲衡性格間接，就連今次找她出席演唱會，全因想以她作「餌」要娟姐現身，又嘲笑伍仲衡：「知你好lonely，靠one night企住 」，伍仲衡不斷否認與娟姐緋聞，但七師傅仍意猶未盡繼續講，最後要特意請人拉七師傅下台才停口。
完騷後七師傅與伍仲衡在後台合巹交杯搞氣氛，七師傅在眾人起哄下嘟嘴向對方獻吻，嚇得伍仲衡即閃避，七師傅還嘲伍仲衡要繼續失戀才寫到好歌。被七師傅爆出與娟姐緋聞，伍仲衡否認說：「我哋上節目時認識，娟姐好玩得，我冇追佢，可能人哋有男朋友呢，緣份唔使刻意。」並指難得師傅上台，雖然九唔搭八，但亦成為高潮位。
關鍵字
最新回應