獨家│《造星IV》Dru自小習拉丁舞 疫情打亂做機師計劃
2021-11-12 17:00 
剛打入《全民造星IV》60強並加入梁祖堯B組的11號鍾君珩（Dru），因中性形象而備受注意，不少網民更拿她的英文名Dru改成粗口拼音，高EQ的她表示：「唔介意，我教返佢哋讀。」對於中性外形惹網民討論性取向，她同樣大方回應：「由得佢哋討論，我唔多加意見，如果有啲人因為我外形而唔鐘意我，咁希望我嘅表演令佢哋對我改觀。」採訪：秦詠姿、杜淑霞 攝影：葉君海、沈健程
Dru自細就好有表演慾，最鍾意唱歌，讀書時都有參加歌唱比賽和舞台劇。由於媽媽是社交舞老師，她學了很多年拉丁舞，可是因為性格關係而放棄學跳舞，「我比較自我，中學鍾意打排球同籃球，所以放棄跳舞。十幾年冇跳，但有底子要學返唔難。」參加《造星IV》令她重新創作歌曲，但自問實力不足以參加歌唱比賽，反而現在可以用跳唱形式表演更好。
參加《造星IV》前Dru在加拿大考獲飛機師牌照，本來計劃返港加入航空公司，但受疫情影響打亂了計劃，最後決定參加比賽，「咁又28歲嘞！可以做咩呢？咁啱見到《造星IV》，咪趁有能力去參加。以前18歲去過啲劇集試鏡唔成功，嗰陣受唔住挫折就放棄咗追夢，但而家想重拾放棄過嘅夢想。」
關鍵字
最新回應