全民造星IV｜何佩為已逝男友重拾夢想 25歲「女版Ian」 自彈自唱感動全場
2021-11-10 22:43 
《全民造星IV》以打造全新女團為目標，今晚播出最新一集，一開波就迎來「女版Ian」25歲的何佩。何佩面試已經獲花姐同許廷鏗（Alfred）、梁祖堯讚好有親和力，尤其是佢笑起上嚟對笑眼與笑容同陳卓賢（Ian）一樣非常有親切感。何佩之前好鍾意參與busking同創作歌曲，但近年曾想過放棄，亦表示今次嚟參加比賽，其實係為咗去年已逝的男友，「其實我做音樂嘅路上佢好支持我」，男友的離開亦令何佩失落了近半年時間，最近才重拾想做歌手嘅夢想，重新開始創作音樂，「所以我覺得用歌去寫低過程好好，因為當我聽返我會知道當時自己經歷咗啲咩，可以畀到其他人安慰。」
正式表演時，何佩自彈自唱表演原創曲《Unknown》，以溫柔的聲線唱出咗自己嘅經歷。評判朱栢康聽完都話：「我係有feel嘅，我係會聽到有經歷喺裡面」，更直指何佩的表演觸動到佢。最終何佩以三盞紅盞成功晉級60強，並加入Alfred的A隊。
關鍵字
最新回應