全民造星IV｜歐陽巧瑩胞妹Bubu跳辣舞嚇親評判慘輸俾女高音阿Mic

2021-11-05 23:45

以打造全新女團為目標的《全民造星IV》今晚播出第5集，終於有藝人胞妹出場，就是歐陽巧瑩妹妹，25歲的Bubu同參加過《造星III》的23歲阿Mic。Bubu一出場已經與眾不同，因為佢嘅身形大過阿Mic成個碼，不過佢已經激減咗26磅。因為身形問題，令Bubu一向冇咩自信。

第一回合，Bubu就選擇跳性感辣身舞，大展自信。跳完之後，DJ Donald都有讚佢眼神好有魅力，不過朱栢康就似乎唔太鍾意Bubu表演，「你選擇呢種舞其實好危險，你嗰種性感有啲尷尬，我就會即刻跳咗出嚟。」

Bubu對手阿Mic原來曾經參加過上年《造星III》，可惜第一輪已被Foul。阿Mic唱功非常厲害，面試時成功吸引許廷鏗（Alfred）注意。第一回合，阿Mic就選擇咗一首音樂劇歌《Don't rain on my parade》，一開口就嚇窒所有人，又不停唱高音，好似入咗主題公園咁。阿Mic唱完就即刻獲DJ Donald開口大讚：「好勁喎你，好誇張喎，點解你唱得咁勁嘅，好厲害喎你。」不過兩位導師就覺得佢好悶。最終阿Mic以三盞紅燈晉級60強，並加入梁祖堯隊伍。Bubu則落入淘汰區，雖然Bubu輸咗，但好多網民都大讚佢好靚女。