伍仲衡王菀之開心Jam歌玩即興 王梓軒拍完節目有獎攞
2021-11-11 01:30 
TVB音樂節目《演鬥聽》將於周六（13日）迎來最終章，今次主持王梓軒親自邀請王菀之（Ivana）及音樂人伍仲衡（Harry）再續音樂緣。5年沒上音樂電視節目的Ivana大讚節目好用心，自言從小喜歡夾band、和Harry夾過，成日jam歌玩即興，好開心今次與一班獨立又有才華的音樂人重遇。
Harry也表示首次上這種創作型音樂節目，當中好多即興，讓市民了解甚麽是jam歌，大嗌好爽，同時又呻太短，笑言平時起碼玩三個小時。Ivana同Harry合作無間，最近兩人更因新專輯及音樂會對足兩個多月。問到之後會否有更多合作？Harry搞笑說：「我哋都對咗兩個月，即刻諗唔到，要隔一隔先。」
10集《演鬥聽》圓滿結束，勞苦功高的王梓軒及團隊獲導演組頒贈獎狀，他笑稱入行12年未試過拍完節目有獎攞，感恩之餘更大讚製作團隊有耐性、不介意工時長，好有心地商討、剪接、策劃每集內容，還透露仲有好多計劃可一齊玩，更大爆Logout（范文浩）已經搶先拉晒演鬥band人馬去做project！
關鍵字
最新回應