方俊出錢出力照顧張偉文被激讚有情義黑雨下水浸入屋望水為財

2021-10-09 06:30

昨晨大暴雨引致全港多處水浸，「靚聲王」張偉文(Donald)監護人兼好友方俊(Aman)位於九龍塘寓所都水浸到入屋，因為大廈去水渠淤塞，所以倒灌上一樓其住所，水位由露台湧入屋浸咗半個客廳，客廳地氈全部遭殃！由於Aman趕住陪張偉文往電視城錄影《善心滿載仁愛堂》未有時間跟管理處交涉，但見到「災情」頭都暈，好彩家中鋪地磚，而家中所有都係有腳傢俬。Aman相當無奈說：「希望成日做善事，會善有善報，水為財啦！」

日前TVB節目《東張西望》播出張偉文受訪的片段，期間張偉文喊爆公開感謝好友方俊嘅照顧，他一度哽咽說：「我得一個人，乜都係自己諗自己做，好多謝佢啦！」方俊被感動到眼紅紅回應話：「偉文係我前輩好提攜我，佢行動唔方便，需要人照顧，我會盡量抽時間同佢行吓街，食吓嘢，等佢冇咁悶。」事後他向本報記者表示當時聽到張偉文咁講好突然，其實內心一樣好感觸。唔少網民大讚方俊有情有義，即使冇血緣關係都出錢出力咁照顧張偉文。