張偉文入電視城錄影遇上暴雨阻滯 黑到銀包日前不翼而飛

2021-10-09 05:30
方俊昨天冒住風雨,車張偉文入電視城錄影,開工前先開餐。
方俊昨天冒住風雨,車張偉文入電視城錄影,開工前先開餐。

「靚聲王」張偉文(Donald) 行動不便,近年較少周圍去,出入範圍喺老人院附近。不過,昨天入電視城錄影今晚播出嘅TVB節目《善心滿載仁愛堂》時竟遇上狂風及暴雨,雖然好友方俊(Aman)仍冒住風雨車出車入,照顧周到,但風雨問題搞到交通大擠塞,錄影節目出現延誤。節目中張偉文只演繹一曲《每當變幻時》,卻由原定一粒鐘搞足大半日,真係波折重重,即使Donald有啲攰,不過做善事冇計,亦為年底舉行嘅演唱會做吓熱身。


不過最近Donald有啲黑仔,據好友兼監護人方俊透露,張偉文前日發現唔見咗個隨身袋,袋中有銀包,現金、身份證、回鄉卡及信用卡等,但Donald又唔知幾時及喺邊度遺失,好彩現金只得幾百蚊,稍後要陪他去補領。

 
張偉文在4年前受腰椎病影響,前後接受過兩次腰椎大手術,術後頸椎退化令雙腳冇力,多次跌倒撞親搞到腦積血,2019年要入院放血續命!之後記性漸差,由於行動不便近年要入住老人院護理,政府嘅社福津貼唔夠支持生活,要靠方俊每月嚟補貼,而最近Donald翻肥到200磅,狀態大勇,將會喺今年12月20日、明年1月12日及14日分別喺香港文化中心、沙田大會堂及元朗劇院舉行《友情有義演唱會》,從而搵啲錢傍吓身。

方俊昨天冒住風雨,車張偉文入電視城錄影,開工前先開餐。
方俊昨天冒住風雨,車張偉文入電視城錄影,開工前先開餐。
雖然張偉文行動不便,但好友方俊都照顧周到,車出車入。
雖然張偉文行動不便,但好友方俊都照顧周到,車出車入。

之前張偉文去咗方俊屋企同尹光及環星老闆張國林飯聚。
之前張偉文去咗方俊屋企同尹光及環星老闆張國林飯聚。
入住老人院嘅張偉文需要開演唱會賺錢傍身。
入住老人院嘅張偉文需要開演唱會賺錢傍身。

Donald一度驚現「筷子腳」。
Donald一度驚現「筷子腳」。
方俊同Donald冇血緣關係,但比親生仔更親近。
方俊同Donald冇血緣關係,但比親生仔更親近。
最近Donald翻肥到200磅,狀態大勇,年底會開個唱。
最近Donald翻肥到200磅,狀態大勇,年底會開個唱。
關鍵字

最新回應

關鍵字

相關新聞

熱門文章