獨家丨張達明努力寫喜劇棟篤笑劇本 設計腕錶酬金捐兒童癌病基金

2021-10-09 00:19
張達明設計嘅腕錶有笑面臉和哭臉面具。
張達明設計嘅腕錶有笑面臉和哭臉面具。

10年前,57歲的張達明因為患有第3期鼻咽癌,由天堂跌落地獄。經歷大病後,達明坦言目前唔開心多過開心,但要努力用正能量來面對痛苦及困難,𠵱家人生座右銘係:「take your time,smile your time.」所以首次為腕錶做設計會以最愛嘅戲劇藝術及梵高作品做元素,加上笑臉和哭臉面具,喻意「戲劇人生、悲喜之間」。採訪:方騫平 攝影:葉君海 手錶:萬希泉陀飛輪腕錶

張達明設計嘅腕錶有笑面臉和哭臉面具。
張達明設計嘅腕錶有笑面臉和哭臉面具。
張達明以「戲劇人生、悲喜之間」作設計腕表元素。
張達明以「戲劇人生、悲喜之間」作設計腕表元素。

張達明早前獲沈慧林邀請合作設計「演畫共融」腕表系列,他將設計酬金全數捐給兒童癌病基金。好有藝術修養嘅張達明過往經常周遊列國睇畫展,亦曾在美國耶魯大學學習速寫,對於處男設計腕錶相當興奮,仲用咗4個月時間構思及修正,每當腕錶踏正12時位置,笑臉就會出現。



達明會隨發哥、鮑起靜等行山做運動。
達明會隨發哥、鮑起靜等行山做運動。
達明感激沈慧林邀請合作做設計,令他發揮所長。
達明感激沈慧林邀請合作做設計,令他發揮所長。

寫劇本仲搞科技嘢

因為疫情,達明工作量少咗,加上行得唔好,擔心夾唔到其他人排戲,所以暫時做唔到舞台劇,多咗時間留喺屋企搞創作及寫劇本:「最近交咗啲劇本,好想寫套喜劇及做棟篤笑嚟帶出歡樂。」問到會否搵愛上睇畫展嘅郭富城及一齊行山嘅周潤發友情演出喜劇?他即說:「我邊有咁高層次呀?」另外,他還搞緊新科技:「之前我設計咗個關於文字嘅電腦程式,但申請專利好貴所以擱置咗,點知被第二家搶先出咗,𠵱家惟有做緊第二個創作,連專家睇過都話very good,但要時間試驗及改良。」

達明曾在美國耶魯大學學習速寫,呢張人像圖是87年作品。
達明曾在美國耶魯大學學習速寫,呢張人像圖是87年作品。
城城近年愛上睇畫展,達明想搵佢切磋吓。
城城近年愛上睇畫展,達明想搵佢切磋吓。
達明話自己眼光獨到,早喺2014年經已搵農夫合作棟篤笑。
達明話自己眼光獨到,早喺2014年經已搵農夫合作棟篤笑。
2011年患重病,化療後瘦晒的張達明網上報平安。
2011年患重病,化療後瘦晒的張達明網上報平安。
關鍵字

最新回應

關鍵字

相關新聞

熱門文章