連環破財消費券唔夠幫補　陳庭欣座駕爆胎阻返工愁爆

陳庭欣（Toby）今個月27日牛一，但似乎無助近日運勢，繼日前其新養的愛犬「一姐」在家中咬爛男友楊振源（Benny）銀包及信用卡，Toby還識講笑稱可用消費券買新銀包，昨日（15日）就輪到她破財，遇上麻煩事。她原本與莊思明出海玩得好開心，不過返TVB為《東張西望》開工時，駕車回到公司外圍，其座駕卻突然爆胎，令她感到無奈又無助。

Toby如不少香港人一樣，打風落雨都不會阻到返工的決心，她透過社交網的限時動態求救，貼上想喊emoji表達心情：「仲爭幾步路返到公司先嚟爆胎！點搞？趕住開東張！」雖然最終解決問題，不過Toby與男友近排咁黑仔，睇嚟都要搵方法轉一轉運啦！