盧覓雪大玩真心話遊戲 公開減磅後上圍跌至38C

盧覓雪昨日（6日）接受網上平台節目《月傾會》節目訪問，主持人林柏希（William）問她為何搞棟篤笑騷，盧覓雪坦言要跳出舒適圈：「當你enjoy一個工作，你係唔會覺得辛苦！當然棟篤笑我係未做過，我依家都知道係攞苦嚟辛嘅，但係如果作為一個藝人係要嘗試唔同嘅嘢。」覺得自己甚麼最吸引人？盧覓雪搞笑謂：「梗係靚女同身材！」
之後盧覓雪要接受《大膽答 冇膽食》真心話遊戲，若果她不敢答，要即食由越南空運來港的鴨仔蛋。而首個問題即問盧覓雪的三圍，她即答：「我真係唔係好掌握到，cup數我記得，因為我瘦咗之後依家係C級啫，我依家都唔係好肯定36定38（上圍）咁啦，腰呀，我諗32咁上下啦，籮柚應該40！」

最後林柏希再問盧覓雪有否曾和圈中人拍拖，以及有否性幻想對象？她笑謂：「冇啦啦點會有，你要記住，梁朝偉會唔會追我吖？」林柏希就抵死地說：「咁圈中人都可以係羅莽！」雪雪即爆笑謂：「咁我又識唔到羅莽，我同林雪好好感情，OK，我會鍾意林雪囉如果係！」

林柏希亦有問到現年57歲盧覓雪的愛情故事，她自爆第一個單戀對象是一個外貌似足林子祥的大哥哥，現正單身的盧覓雪錯過結婚生兒育女的時機，有否遺憾？她謂：「冇得後悔，呢個世界冇如果。依家我兩隻貓不知幾咁可愛，我都做緊阿媽。」