曾樂彤收通知做女一匿埋廁所喊：希望這場夢可以發很久

英皇小花曾樂彤最近初嘗做電影女一滋味，在英皇電影《分手專家》中，飾演最新一代「阿寶」，扮演分手專家，昨日曾樂彤在社交平台貼上與導演葉念琛的合照，並分享合作感受：「記得嗰陣我睇《十月初五》嘅電影版，睇完好崩潰，我同返佢講嘅時候，佢話：『我嘅作品就係咁，每個人都各懷鬼胎，現實就係咁殘酷，要睇童話故事就唔係睇葉念琛啦。』的確，每次睇佢嘅嘢都需要做三觀被衝擊的準備，而佢嘅創作理念咁多年都係咁清晰直接，所以今次《分手專家》大家都請期待葉念琛新一部嘅愛情黑暗面。」

曾樂彤續說：「呢位葉兄喺現場好清晰知道自己每一個step做緊咩，同時亦可以照顧埋每一個人，對待台前幕後都好尊重，也不會浪費絲毫時間，認真時認真，放鬆時放鬆，雖然佢成日恥笑我，但係除咗呢樣嘢之外，佢絕對是一個好榜樣。」最後她當然不忘多謝對方找自己演出！

另一方面，曾樂彤亦感激老闆楊受成，當她考慮是否適合在這行發展之際，突然收到公司的喜訊：「曾樂彤，機會終於來了！」結果她匿埋在廁所爆喊：「到了今天我完成了人生第一部做女主角的電影，這一個月發了一場很美的夢，也收到很多朋友的打氣訊息（有些比我還激動），希望這場夢可以發很久很久，謝謝給我機會和相信我的所有人！」