TVB《童你一起長大了》首播 龍炳基大爆周星馳是媒人
2021-10-04 14:30 
三位TVB資深兒童節目主持譚玉瑛、黎芷珊及蓋世寶合作主持的TVB新節目《童你一起長大了》，昨晚（3日）首播，首集嘉賓正是《430穿梭機》一眾主持，元祖主持張國強及譚玉瑛更再穿專誠訂造的機長戰衣出現外，前主持陳嘉輝及龍炳基亦有現身話當年。
龍炳基早年已移民美國，他透過視像現身分享當日趣事，更當面大讚譚玉瑛記性超好：「你畀份稿佢，五、六張紙佢都唔漏，標點符號都記得，仲要連你嗰句說話都可以記埋。」他更透露原來合作主持《黑白殭屍》的周星馳，是自己與太太的「媒人」：「嗰時幫《黑白殭屍》拍宣傳片，我同星仔要喺天窗度跳落嚟，星仔跳先，但佢可能出於本能驚，就縮起咗隻腳，當時我跳緊落去，咁就撞咗落我個鼻骨度，咁就爆咗，我成個鼻歪咗。然後我入咗醫院，但就因為咁識咗我老婆。」龍炳基又爆星爺經常忘記帶銀包，結果要問他借錢付的士費，譚玉瑛即笑說：「唔怪得我見親佢，佢第一句都係問基仔點，可能佢想還番啲錢畀你。」
除了星爺，梁朝偉、鄭伊健及曾華倩也曾出任《430》主持，節目中重溫當年偉仔及伊健的演出，而張國強更讚偉仔其實有跳舞天份：「佢專注力同學習能力都好好，佢好認真想做嗰樣嘢，你想騷擾佢都唔得。節目還回顧了譚玉瑛以泳衣上陣的片段，她表示當年曾與監製定下四大守則：「做主持唔袒胸露臂、唔著泳衣、唔著短裙、唔著吊帶」；不過為了節目效果，譚玉瑛還是獻出了「第一次」。
最新回應