思家大戰丨王俊棠兒子出場成焦點　跟隨爸爸入行做藝人

由李思捷主持及監製的TVB遊戲節目《思家大戰》於昨晚（26日）播出第四集，今集嘉賓有魯振順「伉儷」、王俊棠伉儷及其兒子東東組成的「王魯五」隊，以及安德尊（大王）、李錦聯、姚嘉妮、宋芝齡及Annie師傅組成的「都市李的錯」隊。焦點除了是口多多的安德尊與「宿敵」李錦聯以及緋聞女友宋芝齡同框外，棠哥的兒子東東亦是眾人焦點！

生得高大威猛、青靚白淨的東東，原來他本身已經是藝人，2010年在TVB第24期藝員訓練班畢業，之後加入TVB，直到2015年時轉做特約演員身份拍劇，因為身高達190cm，所以東東亦有擔任模特兒工作。

昨晚節目考起一眾嘉賓的難題為「你同另一半煙韌時，你嘅5歲小朋友入嚟問你哋做緊乜，你會點解釋？」一眾嘉賓雖已扭六壬回答「觸礁」，當中只有姚嘉妮及大王以「做緊運動」及「爸爸媽媽而家讀緊生物衞生傳宗接代科」答中上榜答案，而最終六個上榜民調答案依次為「做緊細佬妹／造人／大人嘢」「做運動／做瑜伽／拉筋」、「Body Check」、「玩遊戲」、「咦咦哦哦／打發佢出去」以及「打架」。「王魯五」隊最後以高分殺入「終極開口中」環節，最後魯振順及棠哥成功通關，贏走五萬港元獎金及獎品。

而昨晚公布的「思家觀眾大戰」民調問答遊戲問題為「問咗100位TVB台前幕後，講一個TVB好大食嘅藝員」；雖然未有正式結果，但已有唔少網民心急留言，指當年喪食漢堡包成名的阿燦（廖偉雄）、林盛斌及陳嘉佳（細細粒）是心水人選，有網民更拋出細細粒在《老表你好hea！》的經典名句「Vivienne仲係好肚餓」，十分搞笑。