【思家大戰】產後兩個月復工 湯怡有得「出關」好開心

湯怡在今年6月誕下B女，產後僅兩個月已火速收身，今日首次亮相TVB遊戲節目《思家大戰》做嘉賓。她透露現在體重與未生BB前，只相差8磅，她苦笑說：「坐月期間冇覺好瞓，加上住郊區，所以有得出關好開心。」

不過，外傭至今仍未能來香港，暫時要靠奶奶幫手照顧BB，外出時也心掛掛感不捨，所以工作完畢，便會飛奔回家。她稱已準備全面復出，希望家庭事業兩兼顧，她笑說：「要搵奶粉錢呀。」問可會接拍親子廣告？她說：「唔抗拒，但要等囡囡大一啲，太細個乜都驚，希望囡囡唔會太怕醜。」她自爆產後受荷爾蒙影響，致精神好緊張，老公麥秋成回家要全身消毒才可以抱囡囡，多得老公體諒。