入行逾20年周身傷患 吳彥祖搵教練幫拖練肌肉

46歲嘅吳彥祖(Daniel)為咗8歳囡囡Raven（吳斐然）可以快樂咁成長，唔好俾狗仔隊追訪而返回美國定居，近年喺荷里活都撈得幾好。入行多年，又拍過唔少動作電影，Daniel成身傷患，包括重災區膝頭。

聽吓Daniel點講。「 20年前，我個膝頭曾經炸傷過，之後一直都冇太大問題。但我呢期半月板好痛，我以為膝頭又出事。 原來我只需要做一啲穩定練習，以確保我膝頭周圍嘅小肌肉都能夠正常運作就可以。」然後就有三段Daniel做練習嘅片，見佢Tag咗啲教練都知咩事，不過睇仔啫，Daniel笑笑口做訓練，幾賞心悅目㗎。