李司棋做送餐專員遇重口味女僕 張文傑祖祖派心心勁攞膽

2021-09-13 20:00
司棋姐原來好玩得!
司棋姐原來好玩得!

梁祖堯日前在IG貼上與李司棋的一張合照,當時留言說:「這個前輩,我俾200分(10分滿分),我愛司棋姐!我愛司棋姐!我愛司棋姐!#好快有得睇」事隔數天,謎底終於揭盅,原來祖祖與司棋姐為外賣送餐平台拍廣告,同場還有張文傑(German)和張天賦(MC),原來司棋姐這位前輩級的演員相當玩得,玩起來一點都不輸蝕給後生仔!

司棋姐原來好玩得!
司棋姐原來好玩得!
司棋姐變咗做派餐專員!
司棋姐變咗做派餐專員!

今次司棋姐變身做「送餐專員」與飾演保安的梁祖堯過招,表情多多兼不時擺出kawaii的pose,同時間,祖祖與German先後以拳手及女僕造型接外賣,其中German的女僕造型最為「重口味」,低胸短裙的制服下,露出粗獷的雙臂與紋身,與祖祖大派心心,最後司棋姐與小鮮肉張天賦過招,MC即場唱了一句《反對無效》的歌詞,司棋姐竟然接著一起唱《反對無效》的其中一句,果然夠晒貼地!

祖祖的拳手造型好爆笑!
祖祖的拳手造型好爆笑!
張文傑笑言自己可以做《翠絲2.0》。
張文傑笑言自己可以做《翠絲2.0》。

首次穿上女僕裝的German,他笑言:「唔知點解一穿上已好自然投入咗角色,化妝師幫我喺臉上畫一個心型,我覺得自己靚咗、可愛咗,講嘢都溫柔啲,我覺得我可以挑戰拍攝電影《翠絲2.0》。」不過今次並不是他首次穿上女裝:「十幾年前因工作關係,我經常著女裝,因為以前又高又瘦,我呢種身型幕後做女演員替身係最適合不過,以前做女演員替身已經好多人讚我靚女架喇!」今次與祖堯合作當然勁興奮:「係超級過癮,我哋兩個拍攝期間,不停撞到好多橋出嚟玩,大家都笑到停唔到,好期待下一次同祖堯再jam下。」German亦大讚司棋姐:「司棋姐係一位好有愛嘅前輩,佢不停讚我好靚仔,又讚我好靚女。但當見到我有紋身既時候,母愛突然湧現,嚴肅地問我咩黎?唔痛架咩?做咩紋身呀?我唯有尷尬咁話:『因為靚。』」

勁攞膽!
勁攞膽!
遇上小鮮肉張天賦(MC)。
遇上小鮮肉張天賦(MC)。
合作似乎相當開心!
合作似乎相當開心!
German亦大讚司棋姐可愛!
German亦大讚司棋姐可愛!
關鍵字

最新回應

關鍵字

相關新聞

熱門文章