【兩大男神同框】45歲王力宏硬撼46歲吳彥祖 顏值難分高下

45歳的王力宏出晒名sell靚仔，不過佢早前留咗成面鬍鬚，雖然有人話似奇洛李維斯（Keanu Reeves) ，但粉絲們就唔多鍾意。最近，佢終於剃乾淨啲鬚，之前仲直播剃鬚過程，青靚白淨樣返番嚟！氹到班粉絲鬼死咁開心！

今朝王力宏仲上載咗一張同吳彥祖（Daniel)嘅合照，兩大男神拍埋一齊，真係好難分高下！46歳嘅Daniel依然咁有型，兩個仲齊齊舉起V字手勢，王力宏仲留言問：「大家想唔想睇我地拍戲？」二人對上一次合作拍電影，已經係10年前嘅《建黨偉業》，所以唔少網民都興奮回答話好期待佢地再合作呀！