【獨家】推出自家品牌月餅義賣 黎諾懿獲老友鄭伊健無限量支持

2021-09-13 23:53
黎諾懿推出自家品牌月餅義賣,老友鄭伊健無限量支持。
黎諾懿推出自家品牌月餅義賣,老友鄭伊健無限量支持。

黎諾懿創立個人品牌「店小懿」3年,年初喺疫市下推出賀年糕點,仲為九龍樂善堂籌得50萬善款。由細到大視中秋節為重要節日嘅諾懿再挑戰中秋月餅,扣除成本後全數撥捐樂善堂過渡性社會房屋計劃幫助有需要人士,善舉更獲老友鄭伊健夫婦全力支持,蒙嘉慧慷慨說:「畀張單我ok喇!」採訪:方騫平 攝影:葉君海 場地:寛巷子@海港城

黎諾懿推出自家品牌月餅義賣,老友鄭伊健無限量支持。
黎諾懿推出自家品牌月餅義賣,老友鄭伊健無限量支持。
黎諾懿推出自家品牌月餅做善事,講明一蚊都唔賺。
黎諾懿推出自家品牌月餅做善事,講明一蚊都唔賺。

今次推出月餅,好有善心嘅黎諾懿講明一蚊都唔賺,他豪氣說:「賺少少賺嚟仲乜?」YoYo答應會無限量支持:「呢啲朋友邊度搵呀?至於要佢認購幾多盒?哈!咁要睇我哋銷情,從來唔使同伊健慳錢,我諗由佢哋捐100至200盒好合理,除咗佢哋兩公婆,黎瑞恩同埋一啲無名氏都樂於響應。」上次嘅賀年糕點除咗扣除成本捐去做善事外,同樣有善長認購月餅後捐往善慈機構,變相雙重籌款,黎諾懿為咗減低成本增加善款,他更同拍檔林柏希親自送暖,送足十日做到身水身汗,諗起都辛苦。

鄭伊健夫婦全力支持黎諾懿善舉,話認購幾多盒都得,只要畀張單就去結帳。
鄭伊健夫婦全力支持黎諾懿善舉,話認購幾多盒都得,只要畀張單就去結帳。
黎諾懿跟鄭伊健識於微時,係互相扶持嘅好兄弟。
黎諾懿跟鄭伊健識於微時,係互相扶持嘅好兄弟。

經常同伊健一家過中秋

問到點樣答謝伊健咁幫手?黎諾懿笑言會預留一個首創嘅20黃巨型月餅,到時他和家人到伊健家中賞月時齊齊享用:「如果佢哋留港,每年嘅中秋、農曆新年都會一齊過,我同伊健真係好有緣份。」講到太太李潔瑩(Nicole)懷孕5個多月,問他可有感染到伊健做爸爸?諾懿卻說:「有啲人未必鍾意有BB,可能佢仲未玩完呢?尤其生咗小朋友後就會冇咗自己,乜都以家庭行先,包括生活及工作方面。」

只要伊健留港,每年黎諾懿都會去鄭家賞月、玩燈籠及食月餅。
只要伊健留港,每年黎諾懿都會去鄭家賞月、玩燈籠及食月餅。
他跟林柏希為咗節省成本籌更多錢,走勻全港十日親自送貨。
他跟林柏希為咗節省成本籌更多錢,走勻全港十日親自送貨。
今年初喺疫市下黎諾懿推出賀年糕點,為九龍樂善堂籌得50萬善款。
今年初喺疫市下黎諾懿推出賀年糕點,為九龍樂善堂籌得50萬善款。
黎諾懿太太李潔瑩懷孕5個多月,好快成為4人幸福家庭。
黎諾懿太太李潔瑩懷孕5個多月,好快成為4人幸福家庭。
唔理第二個係仔定女,黎諾懿太太都決定封肚。
唔理第二個係仔定女,黎諾懿太太都決定封肚。
關鍵字

最新回應

關鍵字

相關新聞

熱門文章