「宇宙最強」竟然有嘢怕？汪詩詩爆甄子丹初見父母緊張到震

2021-09-10 07:00

「宇宙最強」甄子丹最近接受內地主持陳魯豫的節目《魯豫有約之大咖一日行》訪問。入行近40年的甄子丹作品無數，令人印象深刻的莫過於2008年以44歲之齡接拍的《葉問》，之後還再開拍了幾套同系列電影，甄子丹很感恩謂：「拍第一集嘅時候產生咗一啲疑問，就係王家衛導演都開拍《一代宗師》？佢哋籌備咗咁多年，然後我哋拍《葉問》嘅時候，大家都覺得甄子丹同葉偉信，你哋會拍到啲咩？不過我哋當時冇將呢個包袱放喺身上，繼續拍……」

另外，談到跟汪詩詩的婚姻，甄子丹謂：「我以前離過婚，所以對婚姻冇安全感，但識咗太太之後，好快就有強烈感覺，覺得我必須要同佢喺一齊。」甄子丹還透露與汪詩詩一起初期，彼此未有透露年齡；不知雙方年紀相差18年，但因汪詩詩思想舉止成熟，因此彼此相處絕無問題。而汪詩詩指當年被求婚，甄子丹第一關其實是外婆，對方第一眼見已認定這位孫婿，她又踢爆甄子丹首見她雙親時，竟然緊張到不停抖震。