演繹年青紳士風範 劉俊謙首打煲呔險被考起

劉俊謙獲邀擔任「時尚煲呔賽馬日」形象大使，演繹年青活力的紳士風範。拍攝當日造型師準備了多套紳士西服，當然少不得主打「煲呔」，但意想不到的問題出現了，正當造型師揀了一條手打煲呔給劉俊謙時，大家也沒為意，但見劉俊謙一身汗從服裝間走出來，才發現原來打普通領呔難不到劉俊謙，但打煲呔就真的第一次。

幸好機智的劉俊謙瞬間已想出辦法來，且笑笑口的說：「為咗唔失禮街坊，我喺更衣室快快脆脆攞起電話上YouTube學打煲呔，你哋唔好笑我打得唔靚吖。」