預咗Overrun丨伍仲衡開騷要盡興 鍾柔美笑稱要由下晝開始唱

2021-09-10 07:45
伍仲衡表示音樂會Part 2將會是全新Rundown兼四面台。
伍仲衡表示音樂會Part 2將會是全新Rundown兼四面台。

音樂人伍仲衡(Harry)日前與鍾柔美(Yumi)及冼靖峰(Archie)接受主播許文軒(Edmond)主持的TVB娛樂新聞台節目《StarTalk》訪問,談到Harry即將舉行音樂會Part 2,他說:「音樂會會係全新Rundown嘅騷,上次嘅歌玩完就喺上次留一個回憶。而且會係四面台,希望可以同觀眾拉近距離,今次嘉賓有好多都係新一代年輕歌手,好似Yumi同Archie。」

問今次再開音樂會,有甚麼改善地方?Harry說:「上次做咗四個幾鐘八十隻歌,今次唔可以唱咁長,唔可以Overrun,我嘅樂手話做我一個Show,等於做人地兩個,再Overrun會罰錢罰得好金!(但係平時嘅網上音樂會閒閒哋都唱過十二點?) 我自己個場就冇所謂啫,人哋地方就唔得啦!」身旁的Archie和Yumi曾作客Harry的網上音樂會,Archie說:「真係快樂不知時日過,Harry一彈我就唱,完全冇諗過已經去到凌晨1點。」Yumi笑說:「唔夠喉,下次要由下晝開始網上音樂會。」

伍仲衡表示音樂會Part 2將會是全新Rundown兼四面台。
伍仲衡表示音樂會Part 2將會是全新Rundown兼四面台。

剛完成麥花臣音樂會的Archie和Yumi也有分享台上唱歌趣事,Archie説:「上次唱《餓狼傳說》有支Mic Stand,有一場我太興奮,本身諗住好型咁推開支Mic Stand,點知太大力,支Mic Stand成支跌落座鋼琴度,我帶咗耳機都聽到澎一聲!當堂嚇一嚇,好彩鋼琴一啲事都冇。」而Yumi亦試過耳機失靈,她說:「我同衛蘭老師合唱,耳機冇聲,惟有望住Janice嘅口型跟住唱,跟返佢個Flow,希望今次唱歌冇呢啲事發生。」

三人粉絲數量激增,Yumi 直言非常感動,要多謝Fans支持!Archie說:「佢哋有好多係中學生、小學生,未有能力搵錢,所以佢哋買好多禮物俾我哋嘅時候,我哋都好肉赤!另外,而家有好多粉絲支持,以後就唔可以當眾撩牙,試過有一次撩完之後,有Fans叫我影相,我心諗大鑊佢見到,勁尷尬!」Harry的Fans數量亦不遑多讓,他說:「試過有Fans跟我,我去過嘅餐廳佢哋會成日去食,之前有一間我去搞過粉絲聚會,佢哋好犀利,記住我食過啲乜。我覺得大家似朋友,好Warm,係緣份!」

關鍵字

最新回應

關鍵字

相關新聞

熱門文章