新劇即將開工丨何晉樂感謝幕後給予信心：好舒服接受挑戰

曾經參加《聲夢傳奇》的何晉樂（Rock）日前趁空檔在IG開live，除了即場拆粉絲送給他的禮物外，亦回答了不少粉絲的問題，不少粉絲相當關心Rock有否女朋友，他大方地承認自己有拍拖，而右手手上的戒指是女朋友送：「大家唔好太好奇，係冇乜嘢特別定義，純粹大家鍾意。」不過Rock希望保持低調：「而家算係半個公眾人物，唔係紅啦，私人生活要分開，我都學緊呢樣嘢。」

稍後15位學員將會演新劇《青春本我》，有粉絲問到劇情以及Rock在劇中飾演的角色，他笑說：「唔知仲會唔會改，理解緊個劇本。9月中會開拍，至於幾時播，我都唔肯定，總之15個人都有份演 ，都有自己嘅character，用劇集形式展露我哋性格，本身覺得做戲實死啦，咁快要學呢樣嘢；但導演、編劇畀咗好多信心我哋，好舒服咁接受個挑戰。而劇有好多歌係我哋唱同參與製作，係好期待成件事。」但因Rock本身是理財策劃，所以在將來的日子，希望可以放多些時間在正職上：「照顧返啲客人，亦有新客戶。」