视参加比赛为人生锻炼 何晋乐：好想快啲有自己嘅歌

TVB人气节目《声梦传奇》第二季的的招募行动进行得如火如荼，近日找来《声梦》学员接受「See See TVB」FB专页访问，分享参赛的感受，当日比赛晋身4强进入总决赛的何晋乐（Rock）是其中一位，在访问中他坦言感觉像发了一场梦：「冇谂过个节目会咁成功，估唔到比赛系会令人忍唔住想喊，本身比赛就系你同我斗，你死我活架嘛！」

Rock还说：「谂番嗰阵入咗去第一round，可能开始有少少成绩，俾咗信心我继续行落去，加上认识咗佢哋14位，更加令到我系唔想走，好想一齐行落去。边个foul咗大家也唔愿意，会闹导演点解要foul呀？明明唱得好好，捱闹最多系导师，边个被foul都一定系佢哋嘅错，冇一个人系应该被foul。」重看3个月前的影片，Rock说：「而家比以前有自信，唔会再谂埋一边，做每一件事都尽力去做，谂最好嘅结果，即使感觉条路系难行，就努力一点，见到身边有咁多可以帮到自己的人，点解唔开口问一声呢？呢条路系一定难行，但遇到14个咁好嘅朋友，呢条路唔孤单。」

有否曾经想过退缩及却步？Rock说：「一定有，成件事唔系咁简单，锻炼，呢个系一个锻炼，成件事对我嚟讲，失去嘅嘢系好少，有好多嘢系要取舍，可能你入咗嚟呢度，错失咗出面好多机会，但系你唔入嚟呢度，错失嘅机会系会更加多。」他续说：「如果你系想入呢一行，想唱歌同做创作，其实你可以入嚟试吓，呢度系一个好好嘅起点，勇敢啲行多步。」至于将来的计划，Rock说：「我好想好想快啲有自己嘅歌，好想写歌俾身边嘅人，好想同好多人合作，其中一个系莲姐，好多嘢想挑战，仲有拍剧，初初系好抗拒，觉得又要学多啲新嘅嘢，唔知要啲古装剧又或者超时空，但系而家见到啲剧集，又觉得好有趣，揣摩吓角色又好兴奋。」