與小強車廂困獸鬥 戴祖儀嚇到冇力嗌：驚佢飛入個口

戴祖儀（Joey）最近趁開劇空窗期，報讀了多個網上課程，包括繪畫、珠寶設計、音樂製作等，將整個假期填滿。在家中忙到不可開交的Joey，今日難得「出關」，卻發生了一件「抓狂」事件。

Joey以「震驚1億個祖儀的故事」為題，於IG憶述下午在車廂中與「小強」搏鬥的經過，指因座駕曬到好熱，打算開車門吹一吹車廂，怎料有一隻曱甴趁機爬入車內，她花了很長時間仍遍尋不果。正當以為「小強」已離開，
怎料Joey在駕駛期間，驚見「小強」出沒，她說：「我同佢嘅距離，近到我可以見到佢嘅觸鬚同隻眼。我內心有一萬隻草泥馬奔騰。但⋯我連叫嘅力氣同勇氣都沒有⋯因為⋯距離近到我驚佢會飛入我個口⋯」。

Joey被嚇到「鼻個窿都冇肉」，在單程路上只能Keep住揸車，「我用咗人生最大嘅努力保持冷靜，欺騙自己係一個冇恐懼嘅冷血動物，內心講咗10萬次我唔驚，同埋發送強烈信號比（畀）佢，叫佢唔好飛過嚟。我成功捱過咗漫長嘅10分鐘⋯」。終於可以停車，Joey原打算跟「小強」再死過，但對方已經再次消失，她慨嘆：「啊⋯人生⋯ #我想哭可是哭不出來」。好友王敏奕也留言為她打氣：「保持堅強！」Joey回覆稱20多年來的堅強已一次過用完。