戴祖儀着舊泳衣出騷 游嘉欣操fit露腰晒腿迎夏日

J2節目《#後生仔傾吓偈》一班後生仔女，早前寓工作於娛樂，走出錄影廠出搞船P。節目未出街，馮盈盈已率先爆自己出意外，被船上翹起的鐵片鎅傷腳趾。但其實當日的焦點應該是一班後女穿上泳裝玩遊戲，大合照中以「TVB新咪神」黃凱儀（波波）紅色泳衣最為搶鏡，加上波濤洶湧身材，吸睛度爆燈。

而游嘉欣和戴祖儀則以長腿突圍，游嘉欣今日在社交平台上載靚相，她早前為《明星運動會》狂操fit，穿上短top露出纖腰，又單眼放電，留言：「難得去一次船P玩咗先算，曬黑我都甘心啦！ #意外發現自己識浮水 #好想再去游水」。而戴祖亦說：「精神病都要唞吓氣，如果唔係因為工作，都唔知幾耐冇出過海～所以… 都係依件舊泳衣，大家有冇印象。」