直認被黃宗澤電親　戴祖儀自爆借意傾偈被叫走開

戴祖儀早前為節目《#後生仔傾吓偈》出海拍攝，她笑言兩年前已講過成班後生仔一齊出海船P，上星期終於實現，但拍攝期間游嘉欣鎅損手，馮盈盈則鎅損腳。當笑問她可有被男仔鎅？她說：「全部後生仔，6號（陸浩明）就唔好啦！我成日覺得佢會閃婚。」
戴祖儀笑言為《明星運動會》籃球及田徑項目擔及參賽，更幻想被男仔追趕，於是會拼命去跑，加上參演《廉政狙擊》，令皮膚曬黑不少，又大讚戲中的上司黃宗澤好穩重又幽默。她說：「一cut機佢令成組人開心。（喜歡這類型男仔？）成熟穩重絕對係我理想型，就算佢無電我，我都不停會被電親，就算佢拎住手提風扇都好似慢動作。我都有時借意同佢傾偈，但佢通常叫我走開。」