遭崔建邦打裂兩條肋骨 杜沚諾傷後復工：康復近八成

杜沚諾早前參加TVB《明星運動會》的拳賽項目，訓練時被崔建邦打裂兩條肋骨，他今日在尖沙咀出席梁奕藍開設的生酮食品店開幕活動，透露已康復近八成：「受傷嘅時候，肋骨裂咗兩條彎咗一條，就連坐巴士開車時嘅後助力，都會感覺好痛。」

復工後杜沚諾最近忙於為舞台劇《如果一天我不能再愛你》排練，問到傷勢可有影響？他說：「冇，因為呢個劇唔會有太多動作。（跟對手嚴楚翹（Ice）有冇親嘴戲？）到時大家嚟睇就知，賣個關子先。」

同場的陳蕊蕊自爆早前被朋友取笑整個人好腫，她解釋：「其實體重一直冇變，可能之前忙拍廣告，飲咗酒又夜瞓，所以搞到又肥又腫。之後我就開始做GYM，每星期做三日運動，依家開始見到成效。」而她在美人魚學院舉辦的活動，受疫情影響，會延至明年才復辦。