大女第一日返小學 Jessica C.係咁錫感動到喊

33歲嘅「警鐘胸」名模Jessica C.同安志杰婚後生咗一女一仔，大女Tessa話咁快5歲，尋日仲返小學。踏入人生新階段，平時連行樓梯都影一餐放上IG嘅阿媽當然唔會放過任何可以Po相嘅機會，係咁影，係咁影，影着住校服嘅囡囡出門口、細仔攬吓家姐、佢又攬吓個女，最後仲幫阿女喺學校前面影相，影晒學校名，鬼妹仔真係乜都無所謂嘅啫。

Jessica C.留言，「2021年8 月19日 Tessa 喺ESF Kennedy學校返一年班（我哋喺美國會叫幼兒園）嘅第一日好成功！ 👏🏻👏🏻👏🏻 為佢感到驕傲（我當然有喊啦)」。