何韻詩宣佈下月壽臣開騷：今次會係我最珍惜嘅一次

有一段時間未有在香港開騷的何韻詩，昨日在社交平台宣佈開騷有期，下月將會在壽臣舉行七場演唱會，她表示疫情前甚至再前，一直努力嘗試入紙申請紅館騷，但奈何因為各種原因，一直未爭取到擋期，直到今年四月舉行了第一個online concert後，令她明白一直被自己目標中的地點情境畫面「困住咗」，忘記了音樂真正的本質：「其實要唱歌，唔一定要紅館㗎。」

後來何韻詩向與Doo Manager表示，不如盡全力找場地，不論大定細，總之有場就，最後經過反反覆覆的多番尋找，突然出現了壽臣這一個禮拜的檔期：「九月頭，一個禮拜，400幾人嘅場地，八成半。做到最最最盡、做到我氣咳都只能有七場，2000張飛左右，一場紅館嘅兩成都無。」 她還說：「內部朋友飛都盡量留少啲，希望每一張飛都俾大家買到。講真條數真係難計到癲，但易嘅又幾時輪到你做呢。總之我知道，今次會係我最珍惜嘅一次。」