姜濤否認與Chantel合作拍戲 AL避談被翻舊情：專注工作

MIRROR和ERROR今日合體出席活動，現場人山人海，受訪時Lokman也直認今日Fans的墟冚程度很誇張，笑說：「我哋喺休息室都有啲耳鳴。」Anson Lo續說：「感謝Fans辛苦嚟支持，唔好計較數目，肯嚟支持已經OK！」提到hehe舊情史被翻，他避談說：「見到fans好開心呀，繼續專注工作，唔回應喇。」

另外，有報道指姜濤將與對台的《聲夢傳奇》人氣王姚焯菲（Chantel）合作拍攝彭秀慧執導的電影，姜濤否認傳聞，但透露電影將在8月中開工，期待跟影后毛舜筠合作，目前正積極上戲劇堂。而柳應廷（Jer）也有份試鏡，但未知結果，直言自《男排女將》後愛上演戲，希望有機會拍電影。

呂爵安（Edan）與李駿傑（Jeremy）否認日前拍攝樓盤廣告，一班「前夫」大可放心，但Edan直言恨拍樓盤廣告，最好有發展商送樓給他。Edan直認將拍攝重頭劇《i.SWIM》，正積極練水及操肌，皆因要比拍《大叔的愛》時更大隻。柳應廷（Jer）即踢爆Edan在《大叔》的騷肌照是P圖，笑問Anson Lo會否想與Edan繼續做CP拍劇？他笑說：「私下約佢游水算啦。（厭倦咗佢？）好多嘢都冇得選擇嘅，哈哈！」