衛詩雅惡補武打吊威吔　阿嬌自認硬朗似《畫皮》公主　

2021-06-24 15:15

鍾欣潼（阿嬌）、衛詩雅（Michelle）及李明軒等主演的電影《聊齋奇緣：畫皮》日前正式開鏡，飾演東海龍族三公主「阿若」的阿嬌表示角色與自己很相似，「性格都係偏向硬朗、勇於追求自己所要嘅嘢，果敢堅決，有自己意向，所以拍嘅時候會更加投入。」擁有獨特身份的「阿若」為愛捨棄靈葉，幫愛慕的對象「王生」補心，最後贏得對方真心，同時也感化了算計她的狐妖「小蠻」。

至於Michelle的角色造型好霸氣，她指：「細個有睇過《聊齋》，對我嚟講入面每一個人物都好吸引，同埋啲造型好靚，所以今次定妝嘅時候我都好驚訝，我嘅造型好特別，見到係好花心思。」造型突出之外，少拍古裝片的Michelle坦言唔太識處理武打場面：「有好多武打嘅戲份，加上係古裝戲，打嘅動作我係完全未學過。例如出掌點樣出得靚，又要有力度，對我嚟講係好難。」拍攝前，Michelle已惡補進行動作訓練，「除咗武術仲有吊威吔，係我之前完全未接觸過嘅。我覺得自己好不足，拍完呢部戲都想搵個專門嘅老師上堂。」