收通知信以為遇騙案 林嘉欣獲法國政府授勳

2021-06-24 01:00
嘉欣獲法國政府授勳為「Chevalier de l’Ordre des Arts et des Lettres」。
嘉欣獲法國政府授勳為「Chevalier de l’Ordre des Arts et des Lettres」。

曾留學法國的林嘉欣對當地文化非常熱衷,今年是她擔任「法國五月藝術節」大使的第8個年頭,即使因疫情只能留在香港,嘉欣仍堅守大使使命,積極推廣法國各種藝術文化,日前更獲法國政府授勳為「Chevalier de l’Ordre des Arts et des Lettres」,並在老公袁劍偉、兩個囡囡陪同下,到法國駐港領事官邸接受授勳。

嘉欣獲法國政府授勳為「Chevalier de l’Ordre des Arts et des Lettres」。
嘉欣獲法國政府授勳為「Chevalier de l’Ordre des Arts et des Lettres」。
嘉欣日前到法國駐港領事官邸接受授勳。
嘉欣日前到法國駐港領事官邸接受授勳。

嘉欣笑言去年4月收到授勳通知時,以為被整蠱:「因為封信係由加拿大政府發出,我睇咗好多次,仲問我先生『係咪呃人㗎?疫情仲有呢啲騙案?』後來先知,原來因為我喺加拿大出世,法國嗰邊要認證我嘅國籍,所以封信由加拿大寄出。」

嘉欣兩個囡囡協助法國領事,進行授勳儀式。
嘉欣兩個囡囡協助法國領事,進行授勳儀式。
嘉欣笑稱跟囡囡在家中綵排過,不過領事館準備的枕頭仔細好多。
嘉欣笑稱跟囡囡在家中綵排過,不過領事館準備的枕頭仔細好多。

授勳當日,嘉欣除以法文致辭外,更安排兩個囡囡協助法國領事,進行授勳儀式,她說:「兩個囡囡負責托住個放有勳章嘅枕頭仔行出嚟,我同佢哋喺屋企綵排過,但屋企個枕頭大好多,哈哈,所以嚟到領事館,我哋都有綵排多一次,之前仲帶佢哋買過條新裙仔,因為我兩個囡囡好似野人,通山跑,平日着嘅衫穿晒窿,所以一定要帶佢哋去買衫。」

嘉欣的老公袁劍偉和兩個囡囡都有現身。
嘉欣的老公袁劍偉和兩個囡囡都有現身。
關鍵字

最新回應

關鍵字

相關新聞

熱門文章