【有伏味】被郭偉亮劉浩龍大整蠱 鄧麗欣聞游水舊愛「嬲」到掟鐘
2021-06-24 11:30 
由Eric Kwok（郭偉亮）、劉浩龍和谷德昭主持嘅YouTube節目《圓桌德州撲克》（Round Table Poker）最新一集請來鄧麗欣（Stephy）做嘉賓，比賽前，3位主持先夾埋玩Stephy，鬼馬師兄先開口，扮徵詢Stephy意見說：「問你問題，通常為咗遷就女嘉賓，會送多1000蚊籌碼，你想唔想咁？」Eric Kwok即補充：「你覺得有冇問題？因為曾經有1男1女嘉賓上嚟，個男嘅提出話『咁樣男女唔公平喎，我係女嘅就唔要你嗰1000蚊！』」師兄隨即說：「係呀，嗰個係我哋第一個嘅男嘉賓。」Eric Kwok又接住說：「咁你係咪要男女平等嗰啲女權主義，唔需要呢1000蚊呢？」
Stephy不知不覺間墮入3人陷阱，她認真地諗咗陣回答：「其實我…因為我係天秤座嗰啲呢…我要好公平嘅，係呢，邊個(提出)呀？」此刻Eric Kwok喺度奸笑，師兄就忍住笑，兩人互推下，Eric Kwok答：「游水嘅！」Stephy笑得有點尷尬，即時作狀發嬲掟喺枱面嘅鐘，劉浩龍嚇得離枱3尺，笑到癲！其後谷德昭更直接追問二人當年嘅相處方式，Stephy避談話：「佢唔係好敢教我嘢！」
關鍵字
最新回應