卫诗雅恶补武打吊威吔　阿娇自认硬朗似《画皮》公主　

2021-06-24 15:15

锺欣潼（阿娇）、卫诗雅（Michelle）及李明轩等主演的电影《聊斋奇缘：画皮》日前正式开镜，饰演东海龙族三公主「阿若」的阿娇表示角色与自己很相似，「性格都系偏向硬朗、勇于追求自己所要嘅嘢，果敢坚决，有自己意向，所以拍嘅时候会更加投入。」拥有独特身份的「阿若」为爱舍弃灵叶，帮爱慕的对象「王生」补心，最后赢得对方真心，同时也感化了算计她的狐妖「小蛮」。

至于Michelle的角色造型好霸气，她指：「细个有睇过《聊斋》，对我嚟讲入面每一个人物都好吸引，同埋啲造型好靓，所以今次定妆嘅时候我都好惊讶，我嘅造型好特别，见到系好花心思。」造型突出之外，少拍古装片的Michelle坦言唔太识处理武打场面：「有好多武打嘅戏份，加上系古装戏，打嘅动作我系完全未学过。例如出掌点样出得靓，又要有力度，对我嚟讲系好难。」拍摄前，Michelle已恶补进行动作训练，「除咗武术仲有吊威吔，系我之前完全未接触过嘅。我觉得自己好不足，拍完呢部戏都想搵个专门嘅老师上堂。」